"Асыл сөзді іздесең..."
"Асыл сөзді іздесең,
Абайды оқы, ерінбе"-дегендей, 26 сәуір 2024жылы "№7ЖОББМ"КММ-де республикалық Абай оқуларының аудандық кезеңі өтті. Сайысқа келген әр қонақ есіктен кіре Абайдың өлеңдерін, әндерін айтып, адымдай басып тіркеу бөліміне келді. Және мектебімізге келген әр қонақты 9-сынып оқушысы Сергазин Әділбек күмбірлете күй ойнап "Ортеке" биімен қарсы алды. Ашылу салтанатын аудандық оқу, ғылыми ұйымдастырушылық әдістемелік кабинет меңгерушісі Ж.Ы.Маликова құттықтау сөзімен ашып, сөз кезегін мектебіміздің директоры Г. С.Ержигитова жалғастырды. Биылғы жыл мектебімізде Абай жылы болды. Алғашқы қоңырауда директор "Ұлы Абайға тағзым" атты конкурсты жариялады. Бас жүлдеге әр буынға демеушілеріміздің арнаған сыйлықтары-велосипедтер тігілді. Жыл бойына оқушылар Абайдың өлеңдерін, қара сөздерін, аудармаларын жатқа айтып сайысты.Соңғы 3-ші кезеңде жеңімпаздар және бас жүлде иегерлері анықталды.Сол оқушыларға осы Абай оқулары қарсаңында велосипедтер табыс етілді. Бастауыш сыныптар бойынша бас жүлдені жеңіп алған 2"В" сынып оқушысы Жұмағалиева Айғаным, орта буыннан 6"Г" сынып оқушысы Айдын Анель, жоғарғы сыныптар арасында 10"Б" сынып оқушысы Фатколлаев Рамиль иеленді.Оқушыларымызға қолдау көрсетіп, демеуші болған ата-аналарымыз Сапаков Кыдырбек ағамызға, Абданов Тимур Тлеубековичке, Абданова Гульжан Жумабековнаға, Жақсыбаев Қайыртай Кадесовичке, Омарова Анар Мидельбековнаға , Сапаков Жанибек Кыдырбекович, Сапакова Алтынай Шамильқызы, Сапаков Назарбек Кыдырбекович, Абдульманова Гаухар Муратхановна Бұл жақсы үрдіске қуанышын білдірген Ж.Ы.Маликова жеңімпаздардың қандай сезімде екенін сұрап, сұхбат алды және мектеп директоры мен ұжымға алғысын білдірді.Осы әсерлі сәттен соң Абай оқуларының ашылу салтанатын балалардың "Желсіз түнде жарық ай" хорымен бастап кеттік.Абайдың балалық шағы, аудармашылығы және қара сөздерімен түйін түйген ойлары сахналанып, "Торжорға" күйі ойналып, бастауыш сынып оқушылары өлеңдерін оқыды. Іс-шараны қазақ тілі мен әдебиеті пәнінің мұғалімдері Абайдың "Бойы бұлғаң" әнімен аяқтап, Абай оқуларының бөлімдері түсіндіріліп, әділқазы алқасы таныстырылды.Сайыс нәтижесі бойынша аудандық қазақ тілі мен әдебиеті әдістемелік кабинетінің меңгерушісі Бибігүл Мырзабекқызы Жақсыбаева әр бөлімнің жүлдегерлерін атап, облысқа жолдама берді.
