Әуезов әлемі және ұлттық құндылықтар

28.09.2026ж “№7 жалпы орта білім беретін мектебі” КММ-де 5-11 сынып оқушыларына қазақ әдебиетінің көрнекті өкілі, ұлы жазушы, драматург, ғалым, қоғам қайраткері Мұхтар Омарханұлы Әуезовтің шығармашылық мұрасын таныту, әдеби шығармаларды оқуға қызығушылықтарын арттыру және ұлттық құндылықтарды дәріптеу мақсатында «Әуезов әлемі және ұлттық құндылықтар » тақырыбында бірыңғай әдебиет сабағы өткізілді.

Сабақ барысында оқушыларға жазушының өмірі мен шығармашылық жолы туралы мәліметтер беріліп, оның қазақ әдебиетінің дамуына қосқан үлесі кеңінен таныстырылды. Мұхтар Әуезовтің әлемге әйгілі «Абай жолы» роман-эпопеясы, әңгімелері мен драмалық шығармалары туралы айтылып, жазушы шығармаларындағы адамгершілік, білім, еңбек, елдік пен ұлттық рух мәселелеріне назар аударылды.

Іс-шара барысында оқушылар жазушының шығармаларынан үзінділер оқып, сұрақтарға жауап берді, пікір алмасты. Сонымен қатар шығармашылық тапсырмалар мен әдеби-танымдық жұмыстар ұйымдастырылып, оқушылар өз білімдерін ортаға салды.

Бірыңғай әдебиет сабағы оқушылардың қазақ әдебиетіне деген қызығушылығын арттырып, Мұхтар Әуезовтің мол шығармашылық мұрасын тереңірек танып-білуіне мүмкіндік берді.